——————————— तहसीलदार पालम यांना अखिल भारतीय ग्राहक पंचायत चे निवेदनाद्वारे मागणी
———————————पालम(प्रतिनिधी) पालम तालुक्यातील रेशन कार्ड धारक ग्राहकांना स्वस्त धान्य दुकानामार्फत दर्जेदार धान्याचा पुरवठा करावा अशा प्रकारची मागणी अखिल भारतीय ग्राहक पंचायतीच्या वतीने तहसीलदार पालम यांना दिलेल्या निवेदनाद्वारे करण्यात आली आहे.
पालम तालुक्यात शासनाच्या पुरवठा विभागाच्या माध्यमातून स्वस्त धान्य दुकानदारांना मागील तीन ते चार महिन्यापासून निकृष्ट दर्जाचे गहू, तांदूळ ,ज वारी देण्यात आली आहे. सदरील धान्य कुजलेले, कीड लागलेली व जाळ्या पडलेले अशी खराब धान्य रेशन कार्ड धारक ग्राहकासाठी देण्यात आले. सदरील धान्य पाहून हे पशुखाद्यासाठी तर नाही ना? असा प्रश्न रेशन कार्ड धारकात चर्चेला जात होता. यासंबंधीच्या काही तक्रारी अखिल भारतीय ग्राहक पंचायत च्या कार्यकर्त्याकडे करण्यात आल्या आहेत.
सध्या पालम तालुक्यात कोरड्या दुष्काळाची सावट असून शेतीतील सर्व पीक करपून गेले आहेत. भविष्यात अन्नधान्याची टंचाई निर्माण होऊ शकते अनेक गावातील गोरगरिबांचे कुटुंब रेशनच्या धान्यावरच आपली उपजीविका भागवत आहेत, यासाठी माणसाला खाण्याजोगे धान्य स्वस्त धान्य दुकानामार्फत शासनाने पुरवावे अशा प्रकारची मागणी निवेदनाद्वारे करण्यात आली आहे .या निवेदनावर अखिल भारतीय ग्राहक पंचायत परभणी जिल्हा उपाध्यक्ष भगवानराव करंजे, पालम तालुका अध्यक्ष मोतीराम शिंदे सर, शिवाजीराव दिवटे, प्रा माधवराव बैकरे, सदाशिव स्वामी, गोविंद सोलेवाड, धोंडीराम कळंबे, शांतीलाल शर्मा आदींने स्वाक्षऱ्या केलेले आहेत.
