🔴 ब्रेकिंग – भादाणे ग्रामपंचायतीचा ऐतिहासिक निर्णय 🔴*

दिनांक : २४ सप्टेंबर २०२६ | स्थळ : ग्रामपंचायत भादाने

आज झालेल्या ग्रामसभेत भादाणे गावाच्या विकासासाठी आणि शिक्षणाला चालना देण्यासाठी एक ऐतिहासिक व क्रांतिकारी निर्णय घेण्यात आला आहे.

ग्रामपंचायतीचे माजी उपसरपंच श्री. प्रवीण धनगर यांनी ग्रामसभेत असा ठराव मांडला की,

“जिल्हा परिषद शाळा, भादाणे येथे जे पालक आपल्या पाल्यांचे नवीन ऍडमिशन घेतील, अशा पालकांची संपूर्ण घरपट्टी (House Tax) माफ करण्यात यावी.”

या दूरदृष्टी असलेल्या ठरावाचा मुख्य उद्देश गावातील जिल्हा परिषद शाळेचा पट वाढवणे, मराठी शाळा वाचवणे आणि गोर-गरीब पालकांना शिक्षणासाठी प्रोत्साहन देणे हा आहे.

या ठरावाला ग्रामपंचायत सरपंच सौ. मनस्वी महेश हंडोरे यांनी तात्काळ पाठिंबा देत मंजुरी दिली असून, उपस्थित सर्व ग्रामस्थांनी टाळ्यांच्या गजरात या ठरावाला एकमताने मंजुरी दिली आहे.

हा निर्णय म्हणजे भादाणे गावाने शिक्षण क्षेत्रात टाकलेले एक मोठे पाऊल आहे. या निर्णयामुळे निश्चितच जिल्हा परिषद शाळेत विद्यार्थी संख्या वाढणार असून इतर गावांसाठी देखील हा निर्णय एक आदर्श ठरणार आहे.

या ऐतिहासिक निर्णयाबद्दल सरपंच सौ. मनस्वी महेश हंडोरे, माजी उपसरपंच प्रवीण धनगर आणि संपूर्ण ग्रामपंचायतीचे सदस्य ग्रामस्थांकडून कौतुक व स्वागत होत आहे.

✍️ – ग्रामपंचायत भादाणे, ता. मुरबाड, जि. ठाणे.