धारणी प्रतिनिधी : रजनिश साकले
कुटंगा : मतदार यादीच्या विशेष सखोल पुनरीक्षण (SIR) मोहिमेंतर्गत कुटंगा येथील बूथ क्रमांक 12 आणि 13 मध्ये मतदारांच्या स्वाक्षरीयुक्त गणना अर्जांची छाननी करण्यात आली.या छाननीदरम्यान एकूण 325 मतदारांची मतदार यादीशी जुळवणी झाली नसल्याचे समोर आले आहे.
यामध्ये बूथ क्रमांक 12 मधील 154, तर बूथ क्रमांक 13 मधील 171 मतदारांचा समावेश आहे. संबंधित मतदारांची नावे मतदार यादीत समाविष्ट करण्याच्या प्रक्रियेसाठी बूथ लेव्हल ऑफिसर (BLO) यांच्याकडून नोटिसा देण्यात आल्या. नोटिसांनुसार संबंधित मतदारांकडून आवश्यक कागदपत्रे जमा करण्यात आली. मतदार यादीतील नोंदींची पडताळणी करून पुढील प्रक्रिया राबविण्यात येत आहे.
या वेळी BLO प्रताप धिकार आणि नारायण कास्देकर उपस्थित होते.SIR मोहिमे अंतर्गत मतदार यादीची पडताळणी आणि आवश्यक कागदपत्रांची प्रक्रिया सुरू असल्याने संबंधित मतदारांनी नोटिसांमध्ये नमूद केलेल्या सूचनांचे पालन करावे,असे आवाहन करण्यात येत आहे.
