सेलू तालुका प्रतिनिधी :-छत्रपती शिवाजी महाराज महास्वराज्य समाधान शिबिर आज सेलू तहसील कार्यालयात दिनांक 9 ऑक्टोंबर 2026 रोजी सकाळी 11 वाजता आयोजित करण्यात आले होते. या शिबिरात कार्यक्रमाचे अध्यक्ष उपजिल्हाधिकारी श्री शैलेश जी लाहोटी साहेब आणि कार्यक्रमाचे आयोजक माननीय तहसीलदार तथा दंडाधिकारी साहेब व तहसील कार्यालयातील सर्व कर्मचारी उपस्थित होते. या शिबिरामध्ये दिव्यांगांना दिव्यांग प्रमाणपत्र ,जातीचे प्रमाणपत्र, उत्पन्नाचे दाखले , कृषी व विविध दाखले,
आरोग्यसेवा, अशा विविध प्रमाणपत्राचे वाटप करण्यात आले, मोठ्या संख्येने लाभार्थी उपस्थित होते.यावेळी माननीय उपजिल्हाधिकारी यांनी आपले मनोगत व्यक्त करताना अनेक योजनांची माहिती दिली , त्या योजना कशा पूर्ण करता येतील यासाठी मार्गदर्शन केले. उपजिल्हाधिकारी साहेबांनी अशी ग्वाही दिली की फक्त शिबिरातच नव्हे तर आपण आपल्या अडचणी कार्यालयात मांडाव्यात त्या अडचणी सोडवण्यासाठी महसूल विभाग सदैव प्रयत्नशील असेल व सेलू तालुक्यातील सर्व लोकांची कामे लवकरात लवकर पूर्ण करून तालुक्यातील लोकांना सहकार्य केले जाईल.
