🏏 मळदच्या मृण्मयीची राष्ट्रीय क्रिकेटला भरारी!

दक्षिण विभागीय स्पर्धेत सुवर्णपदकाची कमाई; मदुराईतील राष्ट्रीय स्पर्धेसाठी निवड
मळद (ता. दौंड) : मळद गावची कन्या कु. मृण्मयी जयश्री दत्तात्रय सायकर हिने क्रिकेटमध्ये दमदार कामगिरी करत राष्ट्रीय स्तरावर झेप घेतली आहे. विद्या प्रतिष्ठानचे न्यू बालविकास मंदिर, पिंपळी (बारामती) येथे शिक्षण घेणाऱ्या मृण्मयीने सिंहगड पब्लिक स्कूल, लोणावळा येथे झालेल्या CBSE दक्षिण विभाग–२ क्रिकेट स्पर्धेत विभागीय संघाचे प्रतिनिधित्व करत सुवर्णपदक पटकावले.

या उल्लेखनीय कामगिरीच्या जोरावर *तामिळनाडूतील *मदुराई येथे होणाऱ्या राष्ट्रीय क्रिकेट स्पर्धेसाठी मृण्मयीची निवड झाली आहे*. तिच्या या यशामुळे मळद गावाच्या शिरपेचात आणखी एक मानाचा तुरा खोवला गेला आहे.
*मृण्मयीच्या यशामागे क्रीडा शिक्षक अभिजित चव्हाण व मंदार सर, मुख्याध्यापिका तनुश्री गोरे मॅडम तसेच हेड कोच जीवन वीरकर सर यांचे मोलाचे मार्गदर्शन लाभले*. तिच्या राष्ट्रीय निवडीबद्दल मळद ग्रामस्थ, पालक, शिक्षक व क्रीडाप्रेमींनी अभिनंदन करून राष्ट्रीय स्पर्धेसाठी शुभेच्छा दिल्या.