रामतिर्थ यात्रेतील उपक्रमासाठी पोलिसमित्रांना खूप खूप शुभेच्छा

रामतिर्थ यात्रेतील उपक्रमासाठी पोलिसमित्रांना खूप खूप शुभेच्छा. पाणी प्रदूषणाबाबत जनजागृतीचे काम आपण हाती घेतले आहे. पोलिसमित्रांनी जमा केलेल्या माहितीचा detail report आज BDO समोर ठेवला व सखोल चर्चा झाली. पोलिसमित्रांचे अनेक आभार

ग्रामीण भागातील दूषित पाणीप्रश्नाबाबत तक्रार व तातडीने उपाययोजना राबवण्याची विनंती

संवेदना फाउंडेशनमार्फत आजरा तालुक्यातील दहा गावांमध्ये जलस्वच्छता मोहीम राबवण्यात आली. हात्तिवडे, साळगाव, मेंढोली, खेडे, हारूर, कानोली, सरंबळवाडी, गांधीनगर आजरा, मडिलगे आणि पटेल कॉलनी, आजरा या गावांमधून पाणी नमुने संकलित करून तपासणी करण्यात आली.

या तपासणीत पाच गावांचे पाणी अत्यंत दूषित आढळले असून त्यामध्ये कोलिफॉर्म हा जिवाणू सापडला आहे. हा जिवाणू आरोग्यास अत्यंत हानीकारक असून टायफॉइड, कॉलरा, कावीळ आणि इतर पाणीजन्य आजारांच्या फैलावाला कारणीभूत ठरू शकतो. लहान मुले, वृद्ध आणि आजारी व्यक्तींसाठी हा गंभीर धोका आहे.

संभाव्य कारणे:
• सांडपाणी आणि गटारांचे पाण्यात मिसळणे
• उघड्यावर शौच आणि अस्वच्छता
• गळकी पाईपलाइन आणि दूषित जलसाठा

तत्काळ करण्याची गरज:

1. प्रत्येक गावाच्या पाण्याची अधिकृत तपासणी करून अहवाल प्रसिद्ध करावा.
2. दूषित पाणीपुरवठा रोखण्यासाठी तातडीने उपाययोजना कराव्यात.
3. गटार आणि सांडपाणी व्यवस्थापनासाठी ठोस कृती आराखडा तयार करावा.
4. पिण्याच्या पाण्याची स्वच्छता कायम ठेवण्यासाठी क्लोरीनेशन, यूव्ही फिल्टरिंग इत्यादी प्रक्रिया राबवाव्यात.
5. स्थानिक ग्रामपंचायती आणि नागरिकांना याबाबत जागरूक करून जनजागृती मोहिमा राबवाव्यात.

वरील विषयाची गांभीर्याने दखल घेऊन लवकरात लवकर आवश्यक उपाययोजना कराव्यात, ही नम्र विनंती. अन्यथा सार्वजनिक आरोग्य धोक्यात येऊ शकते.

संवेदना फाउंडेशन या संदर्भात पुढील कार्यवाहीसाठी प्रशासनास सहकार्य करण्यास तयार आहे. कृपया तातडीने बैठक बोलवून यावर ठोस निर्णय घ्यावा.

आपला सकारात्मक प्रतिसाद आणि कृतीची अपेक्षा आहे.