सध्या महापालिका क्षेत्रामध्ये दिवाळीपूर्वी मंजूर झालेली रस्त्याची कामे जोरात सुरु आहेत मात्र गेले कित्तेक वर्षे दुर्लक्षित असणारा कमान वेस ते ऑक्सिजन पार्क पर्यंत चा रस्ता अजूनही दुर्लक्षित आहे. दररोज या रस्त्यावरून हजारो वाहनांची जा ये असते यामध्ये दुचाकी वाहनांसह चारचाकी वाहन धारकांना आपला जीव मुठीत धरून प्रवास करावा लागतं आहे. त्याचप्रमाणे काही अवजड वाहनांमुळे या रस्त्यावर भले मोठे खड्डेही पडले आहेत ज्यामुळे अपघाताची संभावना आहे. या रस्त्यावर खड्ड्याचे साम्राज्य पसरले आहे त्यात एखादे मोठे वाहन या रस्त्यावरून गेले कि धुळीचे लोट उठतात. त्यामुळे येथील परिसरातील नागरिकांमध्ये विविध प्रकारच्या श्वासनाचे रोग जडण्याची शक्यता नाकारता येत नाही. याबाबत मनपा मिरज विभागीय कार्यालयाच्या सार्वजनिक बांधकाम विभागात अधिक माहिती घेतली असता या रस्त्याला सध्या कोणताच निधी मंजूर नसल्याचे समजते काही महिन्यापूर्वी बांधकाम विकसक किशोर पटवर्धन यांनी स्वखर्चातून या रस्त्यांची डागडुजी केली होती मात्र आता या रस्त्याची सध्या भयानक दुरावस्था झाली आहे. आता प्रशासन राज संपून नवनियुक्त महापौर आणी उपमाहापौर यांनी लक्ष देण्याची गरज आहे तसेच या भागातील नवनियुक्त नगरसेवक यांनीही या रस्त्याच्या कामासाठी पाठपुरावा करणे आवश्यक आहे.
