सारथी महाराष्ट्राचा न्यूज ✍🏻 (ता.प्र.)
गडचिरोली / आरमोरी :
अहेरी इस्टेटचे राजे तथा माजी राज्यमंत्री अम्ब्रीशराव आत्राम यांच्या मार्गदर्शनाखाली आरमोरी नगरपरिषदेतील विविध समस्या व विकासकामांवर चर्चा करण्यासाठी स्थानिक विश्रामगृह येथे बैठक आयोजित करण्यात आली.
बैठकीदरम्यान आरमोरी शहरातील मूलभूत सुविधा, प्रलंबित विकासकामे, पाणीपुरवठा, स्वच्छता, रस्ते दुरुस्ती तसेच नागरिकांच्या इतर समस्यांवर सविस्तर चर्चा करण्यात आली. विकासकामांना गती देण्यासाठी समन्वयाने काम करण्याचे आवाहन यावेळी करण्यात आले.
या प्रसंगी आरमोरी नगरपरिषद चे नवनिर्वाचित नगराध्यक्ष रुपेशभाऊ पुणेकर, उपनगराध्यक्ष विलासभाऊ पारधी तसेच सर्व नवनिर्वाचित नगरसेवक व गटनेते यांनी राजे अम्ब्रीशराव आत्राम व युवा नेते कुमार अवधेशराव बाबा आत्राम यांचा शाल व श्रीफळ देऊन सत्कार केला.
बैठकीस नगराध्यक्ष रुपेशभाऊ पुणेकर, उपनगराध्यक्ष विलासभाऊ पारधी, भाजपा तालुका अध्यक्ष पंकजभाऊ खरवडे, बांधकाम सभापती शुभमभाऊ निंबेकर, महिला व बालकल्याण सभापती मीनाक्षीताई गेडाम, माजी नगराध्यक्ष पवनभाऊ नारनवरे, नगरसेवक अक्षयभाऊ हेमके, नगरसेविका सरिताताई गोलूभाऊ वाघरे (रामटेके), मृणालीताई निमगडे, मीनाक्षीताई देवीकर, तसेच इतर पदाधिकारी व कार्यकर्ते उपस्थित होते.
शहराच्या सर्वांगीण विकासासाठी सर्वांनी एकत्रितपणे प्रयत्न करण्याचा निर्धार बैठकीत व्यक्त करण्यात आला.
