कुरुंदवाड येथील नगरपालिकेच्या जागेवरील अतिक्रमणे नियमानुकुल करावी अशी मागणी……..
प्रतिनिधी :-दरिकांत कोळेकर. सारथी महाराष्ट्राचा न्युज.
कुरुंदवाड:-येथील नगरपालिकेच्या काही प्रभागामधील जागेवरील अतिक्रमणे नियमानुकूल करावी अशी मागणी येथील अतिक्रमण धारक संघर्ष समितीच्यावतीने नगराध्यक्षा मनीषा डांगे यांना निवेदना द्वारे केली आहे.
निवेदनात म्हटले आहे की, कुरुंदवाड नगरपरिषद हद्दीमध्ये कुरुंदवाड नगरपरिषद मालकीचे सि.स.नं. 1204, 1205, 1206, 1207, 1210, 1212, 1213, 1215, 1216, 1217, 1219, 1331, 1232, 1234, 1235, 1237, 1240, 1241, 1242, 1243, 1244, 1245, 1246 गट क्र. 198, 3102, 478, 247, 277 या ठिकाणी कुरुंदवाड नगरपालिकेने रहिवास वापरासाठी जागा दिलेली आहे. सदर सि.स.नं. गट नंबर मध्ये रहिवास करणारे नागरिक हे वेगवेगळ्या प्रवर्गातील आहेत व हे सर्व बेघर आहेत. ज्यांना स्वतःच्या मालकीच्या जागा नाहीत. त्यामुळे नगरपालिका हद्दीतील वरील सि.स.नं. मधील राहती जागा ही दि. 6 मार्च, 2019 चे निर्णयातील अटी व शर्ती 1 ते 16 यास अधीन राहून वर दिलेल्या सि.स.नं. मध्ये राहणारे नागरिकांच्या नावावर करुन देणेत यावे असे प्रसिद्धी पत्रकात म्हटले आहे.
या निवेदनावर अतिक्रमण धारक संघर्ष समितीचे अध्यक्ष शाहीर आवळे, समितीचे उपाध्यक्ष,सुनील कुरुंदवाडे, आयुब माणगावे, अर्षद बागवान, सिकंदर सारवाण, राजमहंमद गरगरे, काशिनाथ शिकलगार, गीता शिकलगार, शैलजा शिंदे, सिकंदर बागवान आदींच्या सह्या आहेत.
