महाराष्ट्र शासनाच्या अनेक विविध लोकांभिमुक योजना सध्या लोकप्रिय होत असताना दिसून येत आहेत. आता शासनाच्या महसूल विभागाने छत्रपती शिबाजी महाराज महाराजस्व समाधान शिबिर अभियान आयोजित केले आहे याबाबत मिरज च्या तहसीलदार डॉ अपर्णा मोरे धुमाळ यांच्याशी आमच्या प्रतिनिधिनी विशेष बातचीत केली यावेळी त्या म्हणाल्या,’प्रथम आपल्या वृत्तवाहिनी ला आमच्या शुभेच्छा महाराष्ट्र शासनाच्या महसूल विभागातर्फे आणी महसूल मंत्री ना चंद्रशेखरजी बावनकुळे यांच्या संकल्पनेतून क्षेत्रीय स्तरावर ग्रामीण भागात सर्वसामान्य नागरिक, कष्टकरी शेतकरी आणी महिला वर्गाचे महसूल विभागाशी संबंधित दैनंदिन प्रश्नांच्या निराकरणासाठी आणी तक्रारीच्या सत्वर निकाली काढण्याच्या उद्देशाने प्रत्येक तालुक्यामध्ये मंडल स्तरावर छत्रपती शिवाजी महाराज महाराजस्व समाधान शिबीर अभियान आयोजित करण्याचे सविस्तर निर्देश आम्हाला मिळाले आहेत त्यानुसार तहसील कार्यालय मिरज कार्यक्षेत्रातील मंडल स्तरावर सदर अभियान आम्ही राबवणार आहोत. जिल्हाधिकारी अशोक काकडे, प्रांताधिकारी उत्तम दिघे यांच्या मार्गदर्शनाखाली तालुक्यामध्ये 7मार्च पासून या अभियानाला सुरुवात होत असून 7मार्च रोजी सकाळी 10 वाजता आरग येथून हे अभियान प्रारंभ होईल तसेच 14मार्च रोजी मालगाव येथे 10एप्रिल रोजी भोसे, 17 एप्रिल रोजी बेडग, 29 एप्रिल रोजी कवलापूर, 8मे रोजी बेळंकी तर 15 मे रोजी या अभियानाची सांगता मिरज येथे होईल तरी मी आपल्या माध्यमातून नागरिकांना आवाहन करते की या विशेष अभियानात जास्ती जास्त संख्येने सहभाग आपण घ्यावा’
