पिसाळलेल्या कुत्राने सहा वर्षे बालकाचा गालाचा लचका तोडला…….
.प्रतिनिधी :-दरिकांत कोळेकर. सारथी महाराष्ट्राचा न्युज.
कुरुंदवाड :- येथील प्रभाग १० मध्ये एका पिसाळलेल्या कुत्र्याने सहा वर्षाच्या बालकाच्या गालाचा लचका तोडला आहे. उमेर मुजमिल बागवान वय ६ शिवशंकर वसाहत असे त्याचे नाव आहे.
शहरात सर्वत्र वाढलेले भटक्या कुत्र्यांचे प्रमाण आणि त्यांचे माणसावर हल्ले हा चिंताजनक विषय बनला आहे शहरांमध्ये भटक्या कुत्र्यांचा बंदोबस्त करण्याची कोणतीही यंत्रणा नसल्याने मोकाट कुत्री म्हणजे शहरातील जीवनावरचे जन संकटच बनले आहे. या कुत्र्यांच्या हल्ल्यामुळे शहरातील नागरिकांची भीतीने गाळण उडाली आहे.
शहरात गेल्या दोन महिन्यात भटक्या कुत्र्यांनी चिमुरडी असो वयोवृध्द नागरिक व जनावरांवर दिवसाढवळ्या हल्ले चढवले आहेत. बुधवारी प्रभाग १०मधील सहा वर्षाचा उमर मुजमील बागवान याच्यावर पिसाळलेल्या कुत्र्याने हल्ला करून त्याच्या गालाचा लचका तोडला आहे. त्याला सांगली येथील दवाखान्यात उपचारासाठी हलवले पण उपचाराचा खर्च दोन लाख रुपये येईल असे डॉक्टरांनी सांगितल्याने त्याला कोल्हापूर येथील सरकारी रुग्णालयात हलवण्यात आले आहे.
शहर व परिसरात चिकन ६५ ची हात गाड्या, मांसाहारी खानावळ, दम बिर्याणीची हात गाडी, मटन, चिकन सेंटरची संख्या वाढली आहे. खाद्यपदार्थांच्या हातगाड्यापासून मोठ्या प्रमाणात वेस्टेज तयार होते. या वेस्टेजवर भटक्या कुत्र्यांच्याकडून येथेच्छ ताव मारला जातो. मांसाला चटक लागलेल्या कुत्र्यांना वेळेत मांस न मिळाल्यास मग ते चिमुरड्ये, नागरिकांना लक्ष करीत असल्याच्या घटना घडत आहेत. बुधवारी प्रभाग 10 मध्ये एका पिसाळलेल्या कुत्र्याने एका बालकाच्या गालाचा चावा घेतल्याने तो गंभीर जखमी झाले आहे, त्याला उपचारासाठी सांगलीहून कोल्हापूरच्या सरकारी दवाखान्यात दाखल करण्यात आले आहे पिसाळलेल्या कुत्र्याला काल नगरपालिकेच्या वतीने पकडले आहे कुत्र्यांच्या बंदोबस्तासाठी नगरपालिका कटिबद्ध आहे.
