कन्नड | प्रतिनिधी
छत्रपती संभाजीनगर जिल्ह्यातील कन्नड तालुक्यात काल रात्री पावसाने जोरदार हजेरी लावली. अचानक आलेल्या या मुसळधार पावसामुळे नागरिकांची मोठी तारांबळ उडाली असून, हवामान विभागाने पुढील २४ तासांसाठी तालुक्यात पुन्हा पावसाचा इशारा (Alert) दिला आहे.
रात्रीच्या पावसाने दाणादाणगेल्या काही दिवसांपासून कडाक्याचे ऊन पडत असतानाच, काल रात्री वातावरणात अचानक बदल झाला. विजांच्या कडकडाटासह कन्नड शहर आणि परिसरातील ग्रामीण भागात पावसाला सुरुवात झाली.
काही ठिकाणी वादळी वाऱ्यामुळे झाडे उन्मळून पडण्याच्या घटना घडल्या असून सखल भागात पाणी साचले आहे.हवामान खात्याचा अंदाजहवामान खात्याने दिलेल्या माहितीनुसार, अरबी समुद्रातील बाष्पयुक्त वारे आणि स्थानिक कमी दाबाच्या पट्ट्यामुळे ही परिस्थिती निर्माण झाली आहे.
पुढील २४ तास: कन्नड तालुक्यासह जिल्ह्याच्या काही भागात ‘यलो अलर्ट’ जारी करण्यात आला आहे.
सावधानता: विजा चमकत असताना झाडाखाली उभे न राहण्याचे आणि विद्युत उपकरणांपासून सावध राहण्याचे आवाहन प्रशासनाने केले आहे.शेतीवर संक्रातरात्री झालेल्या या पावसामुळे आणि सोसाट्याच्या वाऱ्यामुळे तालुक्यातील रब्बी पिकांचे मोठे नुकसान होण्याची भीती व्यक्त केली जात आहे. प्रामुख्याने कांदा, फळबागा आणि काढणीला आलेल्या पिकांना या पावसाचा मोठा फटका बसला आहे.
प्रशासनाचा इशारा: “नागरिकांनी गरज नसल्यास घराबाहेर पडू नये आणि आपत्कालीन परिस्थितीत स्थानिक प्रशासनाशी संपर्क साधावा,” असे आवाहन तहसीलदार कार्यालयामार्फत करण्यात आले आहे.
