शेगाव (प्रतिनिधी) : श्रीराम नवमी ते हनुमान जन्मोत्सव सोहळ्याच्या निमित्ताने शेगाव नगरीत विविध धार्मिक कार्यक्रमांचे आयोजन करण्यात आले होते. याच अनुषंगाने ओम साई प्रतिष्ठान या सामाजिक संस्थेच्या वतीने ह.भ.प. गोरख महाराज रायते (पंढरपूर) यांचे भव्य कीर्तन सोहळ्याचे आयोजन करण्यात आले.
या कीर्तन सोहळ्यास शेगाव शहरातील भाविकांनी मोठ्या संख्येने उपस्थित राहून भक्तीमय वातावरण अनुभवले. संत ज्ञानेश्वर भजनी मंडळ, शेगाव यांचीही या कार्यक्रमाला सुंदर साथ लाभली, ज्यामुळे संपूर्ण परिसर भक्तिरसात न्हाऊन निघाला.
यावेळी महिला वर्ग, ज्येष्ठ नागरिक तसेच ओम साई प्रतिष्ठानचे पदाधिकारी समाधान माने, चंद्रकांत शिंदे, बबलू शिंदे, दीपक बुरुटे, आनंदा किसवे, कल्लू नाईक, दादा शिंदे आदींसह श्री हनुमान जन्मोत्सव सोहळा समितीचे मान्यवर उपस्थित होते.
या धार्मिक कार्यक्रमामुळे शेगाव शहरात भक्ती, श्रद्धा आणि उत्साहाचे वातावरण निर्माण झाले असून, अशा उपक्रमांमुळे सामाजिक एकात्मता अधिक दृढ होत असल्याची भावना नागरिकांनी व्यक्त केली.
