लांजा (प्रतिनिधी):
बेनी बुद्रुक, लांजा येथील चिंचवाडी परिसरात २२ वर्षीय तरुणाने गळफास घेऊन आत्महत्या केल्याची घटना सोमवारी सकाळी उघडकीस आली. या घटनेने परिसरात हळहळ व्यक्त केली जात आहे.
मिळालेल्या माहितीनुसार, विश्वास सुरेश गितये (वय २२) याने घरात कोणी नसताना नायलॉन दोरीने गळफास लावून आपले जीवन संपवले. ही घटना ३० मार्च रोजी सकाळी सुमारे ९.३० ते ९.४५ च्या दरम्यान घडल्याचे सांगण्यात येते.
या प्रकरणी सुरेश गणू गितये यांनी लांजा पोलीस ठाण्यात खबर दिली असून लांजा पोलीस ठाणे येथे आकस्मिक मृत्यूची नोंद करण्यात आली आहे.
या घटनेचा पुढील तपास पोलीस निरीक्षक निळकंठ बगळे यांच्या मार्गदर्शनाखाली पोलीस हेड कॉन्स्टेबल नासिर नावळेकर करत आहेत. परिसरात या घटनेमुळे शोककळा पसरली आहे.
