शेवाळी (दा.) | प्रतिनिधी
एसएससी परीक्षेत शिवाजी माध्यमिक विद्यालय, शेवाळी (दा.) येथील विद्यार्थ्यांनी उल्लेखनीय यश संपादन करत विद्यालयाची उज्ज्वल परंपरा कायम राखली आहे. विद्यालयाचा यंदाचा निकाल ९५.१२ टक्के लागला असून विद्यार्थ्यांच्या मेहनतीसह शिक्षकांच्या अथक परिश्रमाला यश मिळाले आहे.
यावर्षी विद्यालयातून एकूण ४१ विद्यार्थी परीक्षेस प्रविष्ट झाले होते. त्यापैकी ३९ विद्यार्थी उत्तीर्ण झाले असून विद्यालयाने चमकदार कामगिरी नोंदवली आहे.
विद्यार्थ्यांच्या यशामागे शिक्षकांचे सातत्यपूर्ण मार्गदर्शन, विद्यार्थ्यांची मेहनत आणि पालकांचे सहकार्य महत्त्वाचे ठरल्याची भावना यावेळी व्यक्त करण्यात आली.
उत्तीर्ण विद्यार्थ्यांचे तसेच मार्गदर्शक शिक्षकांचे संस्थेचे अध्यक्ष, विश्वस्त, सचिव, व्यवस्थापन मंडळ सदस्य, विद्यालयाच्या मुख्याध्यापिका मा. ताईसाहेब सुनीता नाईक तसेच सर्व शिक्षक व शिक्षकेत्तर कर्मचाऱ्यांनी अभिनंदन केले.
