कोरेगाव प्रतिनिधी
ता. कोरेगाव येथील सोनके गावामध्ये प्रधान ग्रामदैवत जागृत देवस्थान श्री काळभैरवनाथ यांच्या चरणी ९ किलो चांदीतून साकार करण्यात आलेल्या चांदीच्या नागदेवता व पलंगाचा “शाही व भव्य अर्पण सोहळा” मोठ्या उत्साहात संपन्न होणार आहे. या धार्मिक सोहळ्यानिमित्त ग्रामस्थांमध्ये उत्साहाचे वातावरण निर्माण झाले आहे.
बुधवार दि. २० मे २०२६ रोजी सायंकाळी ५.३० वाजता महिला, पुरुष, युवक, ग्रामस्थ व भाविक भक्तांच्या उपस्थितीत भव्य मिरवणुकीचे आयोजन करण्यात आले आहे.
तसेच गुरुवार दि. २१ मे २०२६ रोजी पहाटे ५ वाजल्यापासून मंदिरामध्ये श्री काळभैरवनाथ देव व जोगेश्वरी माता यांना अभिषेक, होमहवन, नागदेवतेस जलाभिषेक, प्राणप्रतिष्ठा व महाआरती होणार आहे. त्यानंतर दुपारी १२ वाजेपर्यंत भजन कार्यक्रम पार पडणार असून, दुपारी सर्व ग्रामस्थ व उपस्थित भाविकांसाठी महाप्रसादाचे आयोजन करण्यात आले आहे.
सायंकाळी ८ वाजता सुप्रसिद्ध कीर्तनकार ह.भ.प. शिवलीलाताई पाटील यांचे सुश्राव्य कीर्तन होणार असून या धार्मिक आणि दुर्मिळ सोहळ्याचा लाभ घेण्यासाठी भाविकांनी मोठ्या संख्येने उपस्थित राहावे, असे आवाहन ग्रामस्थ सोनके यांच्या वतीने करण्यात आले आहे.
