झरी | प्रतिनिधी :
अधिक मास अर्थात पुरुषोत्तम मासानिमित्त श्री भगवान विष्णू मंदिर, गणेश भगवान सावंत, ता. झरी, जि. परभणी येथे श्रीमद् देवी भागवत कथेचे भव्य आयोजन करण्यात आले आहे.
ही पवित्र कथा संत १००८ ओंकारनाथजी देव यांचे कृपापात्र तसेच झालरिया पीठचे आचार्य गुरुवर्य श्री घनश्यामाचार्य यांचे प्रिय शिष्य, जालना येथील सुप्रसिद्ध भागवताचार्य परमपूज्य आचार्य सत्यनारायणजी व्यास यांच्या सुमधुर वाणीतून भाविकांना ऐकण्याची संधी मिळणार आहे.
ही कथा दिनांक १८ मे २०२६ ते २५ मे २०२६ दरम्यान दररोज संध्याकाळी ६ ते ८ या वेळेत आयोजित करण्यात आली आहे.
या धार्मिक कार्यक्रमाचे आयोजन श्री भगवान विष्णू मंदिर मित्रपरिवार, झरी यांच्या वतीने करण्यात आले असून, अधिक मासाच्या पवित्र पर्वानिमित्त सर्व भाविक भक्तांनी उपस्थित राहून कथेचा लाभ घ्यावा, असे आवाहन आयोजकांकडून करण्यात आले आहे.
