जळकोट | प्रतिनिधी
ऑनलाईन औषध विक्रीच्या विरोधात तसेच विविध प्रलंबित मागण्यांसाठी अखिल भारतीय औषध विक्रेता संघटनेच्या आवाहनानुसार दिनांक २० मे २०२६ रोजी जळकोट तालुक्यातील औषध दुकाने बंद ठेवण्यात आली.
या आंदोलनात जळकोट तालुका केमिस्ट अँड ड्रगिस्ट संघटनेने सक्रिय सहभाग घेतला. आंदोलनाच्या पार्श्वभूमीवर संघटनेच्या पदाधिकाऱ्यांनी तहसील कार्यालय तसेच जळकोट पोलीस स्टेशन येथे निवेदन सादर केले. पोलीस उपनिरीक्षक श्रीराम माचेवाड यांनाही संपाबाबत माहिती देण्यात आली.
संघटनेच्या पदाधिकाऱ्यांनी सांगितले की, ऑनलाईन औषध विक्रीमुळे स्थानिक औषध विक्रेत्यांच्या व्यवसायावर मोठा आर्थिक परिणाम होत असून पारंपरिक औषध विक्रेते अडचणीत आले आहेत. त्यामुळे या विरोधात देशव्यापी बंद पुकारण्यात आला होता.
या बंदमुळे जळकोट तालुक्यातील बहुतांश औषध दुकाने दिवसभर बंद होती.
या आंदोलनात तालुका संघटनेचे अध्यक्ष प्रकाश गटेवार, गंगाधर चंदावार, सचिव अनंत सिंदेश्वरे, राम काळे, अमोल गटेवार आदी पदाधिकारी सहभागी झाले होते.
