कन्नड : कन्नड-सोयगाव विधानसभा मतदारसंघातील शिवसेना पदाधिकारी आणि शिवसैनिकांची महत्त्वपूर्ण आढावा बैठक नुकतीच उत्साहपूर्ण वातावरणात पार पडली. राज्याचे उद्योगमंत्री तथा शिवसेना नेते उदय सामंत यांच्या मार्गदर्शनाखाली आणि खासदार सांदिपान भुमरे यांच्या प्रमुख उपस्थितीत या बैठकीचे आयोजन करण्यात आले होते.
आगामी काळातील संघटनात्मक बांधणी, पक्षाचे कार्य अधिक बळकट करणे तसेच मतदारसंघातील विविध विकासकामांचा आढावा घेणे हा बैठकीचा मुख्य उद्देश होता. बैठकीदरम्यान उपस्थित नेत्यांनी आगामी निवडणुका आणि पक्ष विस्ताराच्या दृष्टीने पदाधिकारी व कार्यकर्त्यांना मार्गदर्शन केले.
या बैठकीस शिवसेनेचे अनेक वरिष्ठ नेते आणि लोकप्रतिनिधी उपस्थित होते. यामध्ये खासदार राहुल शेवाळे, आमदार अब्दुल सत्तार, आमदार रमेश बोरनारे, प्रकाश महाजन, संपर्कप्रमुख विलास पारकर, आमदार आण्णासाहेब माने, जिल्हाप्रमुख राजेंद्र जंजाळ, बाबासाहेब जगताप आणि पुष्पाताई गव्हाणे यांची प्रमुख उपस्थिती होती.
स्थानिक पातळीवरील नेत्यांनीही बैठकीत मोठ्या संख्येने सहभाग घेतला. यामध्ये राजेंद्र राठोड, नारायण बोडखे आणि राम काका पवार यांच्यासह कन्नड आणि सोयगाव परिसरातील आजी-माजी पदाधिकारी, विविध आघाड्यांचे प्रमुख आणि शिवसैनिक उपस्थित होते.
या बैठकीमुळे मतदारसंघातील शिवसैनिकांमध्ये नवचैतन्य निर्माण झाले असून आगामी काळातील पक्ष संघटन बळकटीसाठी ही बैठक महत्त्वपूर्ण मानली जात आहे.
