पाचोरा प्रतिनिधी
बांबरुड राणीचे येथे ज्येष्ठ अधिक मासानिमित्त पितृमोक्ष आणि आत्मोद्धारासाठी श्रीमद् भागवत महापुराण कथा सप्ताहाचे आयोजन करण्यात आले आहे. गं.भा. विमलबाई शांताराम पाटील आणि समस्त सयाजी परिवार यांच्या वतीने या धार्मिक कार्यक्रमाचे आयोजन करण्यात आले असून परिसरात भक्तिमय वातावरण निर्माण झाले आहे.
या सप्ताहासाठी गणेश महाराज शास्त्री कथा वाचनासाठी उपस्थित असून, ह.भ.प. भगवान महाराज जळकेकर, ह.भ.प. तुकाराम महाराज मोंढाळा आणि ह.भ.प. पंडित महाराज पवार यांनी उत्कृष्ट साथ दिली आहे.
सदर सप्ताह रविवार दि. 17 मे ते रविवार दि. 24 मे 2026 दरम्यान आयोजित करण्यात आला आहे. दि. 23 मे रोजी भव्य दिंडी सोहळ्याचे आयोजन करण्यात आले होते. दिंडीमध्ये ग्रामस्थांनी उत्साहाने सहभाग घेत हरिनामाचा गजर करत भक्तिमय वातावरण अनुभवले.
दि. 24 मे रोजी सकाळी पांडुरंग महाराज आवरकर यांचे काल्याचे कीर्तन होणार असून, त्यानंतर महाप्रसादाने कार्यक्रमाची सांगता होणार आहे.
या धार्मिक कार्यक्रमासाठी गावातील भजनी मंडळ, महादेव मंदिर कमिटी तसेच समस्त ग्रामस्थांचे मोलाचे सहकार्य लाभत आहे.
