अलिबाग :
अलिबाग तालुक्यातील नवेदर कोळगाव, सासवणे व परिसरातील गावांच्या सर्वांगीण विकासासाठी Reliance Industries प्रकल्पामार्फत विविध सार्वजनिक विकासकामांना मोठा हातभार लावला जात आहे. ग्रामपंचायतीच्या हद्दीतील नागरिकांसाठी आवश्यक असलेल्या अनेक सुविधा उभारण्याचे काम सुरू असून त्यामुळे स्थानिक नागरिकांमध्ये समाधानाचे वातावरण निर्माण झाले आहे.
रिलायन्सच्या सहकार्याने ग्रामपंचायत कार्यालयाचे नूतनीकरण, मंदिरांची दुरुस्ती व विकास, अंतर्गत रस्त्यांचे बांधकाम व सुधारणा, पिण्याच्या पाण्याच्या टाक्यांची उभारणी तसेच नागरिकांसाठी सार्वजनिक कार्यक्रम आयोजित करता यावेत यासाठी सभागृह उभारणीसारखी विविध कामे करण्यात येत आहेत.
या विकासकामांमुळे गावातील मूलभूत सुविधांमध्ये वाढ होत असून नागरिकांना अधिक चांगल्या सेवा उपलब्ध होत आहेत. स्थानिक विकासाला गती देण्यासाठी अशा प्रकारच्या सामाजिक उत्तरदायित्व (CSR) उपक्रमांचे नागरिकांनी स्वागत केले असून भविष्यातही अशाच विकासकामांना चालना मिळावी, अशी अपेक्षा ग्रामस्थांकडून व्यक्त केली जात आहे.
सासवणे ग्रामपंचायत हद्दीतील विविध विकासकामांमुळे परिसराच्या पायाभूत सुविधांमध्ये सुधारणा होत असून ग्रामीण भागाच्या विकासासाठी उद्योग समूहांचा सहभाग महत्त्वाचा ठरत असल्याचे मत नागरिकांनी व्यक्त केले आहे.
