जवळा बाजार :
जवळा बाजार येथे संत गजानन महाराज यांच्या पालखीचे मोठ्या उत्साहात आणि भक्तिमय वातावरणात स्वागत करण्यात आले. परिसरातील भाविक भक्तांनी मोठ्या संख्येने उपस्थित राहून पालखीचे दर्शन घेत आध्यात्मिक आनंदाचा लाभ घेतला.
आज श्री संत गजानन महाराज पालखीचा जवळा बाजार येथे मुक्काम असून, मुक्कामाच्या ठिकाणी भजन, कीर्तन आणि धार्मिक कार्यक्रमांचे आयोजन करण्यात आले आहे. या कार्यक्रमांना भाविकांकडून उत्स्फूर्त प्रतिसाद मिळत आहे.
पालखी आगमनामुळे संपूर्ण जवळा बाजार परिसर भक्तिमय वातावरणाने भारावून गेला असून सर्वत्र आनंद आणि उत्साहाचे वातावरण निर्माण झाले आहे. भाविक भक्तांनी दर्शनाचा लाभ घेत संत गजानन महाराजांच्या नामस्मरणात सहभाग नोंदवला.
