वेताळवाडी, ता. माढा, जि. सोलापूर :
वेताळवाडी गावात तसेच श्रीकृष्ण विद्यालय परिसरात ३ जुलै २०२६ रोजी वृक्षारोपणाचा सामाजिक उपक्रम उत्साहात पार पडला. राष्ट्रवादी काँग्रेस शरदचंद्र पवार पक्षाचे युवक जिल्हाध्यक्ष सुरज देशमुख यांच्या वाढदिवसानिमित्त नाना भैया मंच व मित्र परिवाराच्या वतीने हा उपक्रम राबविण्यात आला.
या उपक्रमांतर्गत वड, पिंपळ, आंबा, जांभूळ, चिंच यांसह विविध प्रकारच्या वृक्षांची लागवड करून पर्यावरण संवर्धनाचा संदेश देण्यात आला. वृक्षारोपण कार्यक्रमात आदर्श शिक्षक रमेश बंड सर, पाखरे सर, सोमनाथ राऊत तसेच ग्रामस्थ आणि विद्यार्थ्यांनी उत्स्फूर्त सहभाग नोंदवला.
श्रीकृष्ण विद्यालय परिसर हिरवागार करण्याच्या उद्देशाने आयोजित करण्यात आलेल्या या उपक्रमाचे सर्व स्तरातून कौतुक करण्यात येत आहे. पर्यावरण संरक्षणासाठी वृक्ष लागवड ही काळाची गरज असल्याचे मत यावेळी उपस्थितांनी व्यक्त केले.
