खंडोबाचीवाडी | प्रतिनिधी
खंडोबाचीवाडी येथील माजी सरपंच कै. अंकुश लकडे यांचे हृदयविकाराच्या तीव्र झटक्याने दुःखद निधन झाले. त्यांच्या अकस्मात निधनामुळे संपूर्ण गावावर शोककळा पसरली असून ग्रामस्थांमधून हळहळ व्यक्त करण्यात येत आहे.
अंकुश लकडे यांनी सरपंच पदावर कार्यरत असताना गावाच्या विकासासाठी उल्लेखनीय काम केले होते. आदर्श सरपंच म्हणून त्यांनी ग्रामविकासासोबतच सर्वसामान्य नागरिकांच्या समस्या सोडविण्यास प्राधान्य दिले. गोरगरीब आणि गरजू नागरिकांना मदतीचा हात देणारा हक्काचा माणूस म्हणून त्यांच्याकडे पाहिले जात होते.
त्यांच्या शांत, मनमिळावू आणि सेवाभावी स्वभावामुळे गावात त्यांना विशेष मान-सन्मान होता. त्यांच्या निधनामुळे गावातील सामाजिक व सार्वजनिक क्षेत्रात मोठी पोकळी निर्माण झाली असल्याच्या भावना ग्रामस्थांकडून व्यक्त केल्या जात आहेत.
त्यांच्या पश्चात दोन मुले, पत्नी, एक भाऊ असा परिवार आहे. त्यांच्या निधनाबद्दल विविध क्षेत्रांतील मान्यवर, ग्रामस्थ आणि मित्रपरिवाराकडून भावपूर्ण श्रद्धांजली अर्पण करण्यात येत आहे.
