जवळा बाजार | प्रतिनिधी
विदर्भातून पंढरपूरकडे प्रस्थान केलेल्या संत नामदेव महाराजांच्या पालखी सोहळ्याचे आज असोला येथे पांडुरंग ढोबळे यांच्या शेडमध्ये भक्तिमय वातावरणात स्वागत करण्यात आले.
यावेळी माऊली ढोबळे (मार्केट कमिटी, जवळा बाजार संचालक), राहुल कीर्तने, विकास ढोबळे, पांडुरंग ढोबळे, गजानन ढोबळे, भगवान ढोबळे, भागवत ढोबळे, पांडुरंग नागरे, भिमा नागरे तसेच सहकारी मित्रमंडळी यांनी पालखीचे स्वागत करून वारकऱ्यांचे आदरातिथ्य केले.
गेल्या पाच वर्षांपासून पांडुरंग ढोबळे यांच्या वतीने विदर्भातून येणाऱ्या पालख्यांमधील वारकऱ्यांसाठी चहा-पाण्याची सेवा अखंडपणे सुरू आहे. यंदाही मोठ्या संख्येने आलेल्या वारकरी भाविकांनी या सेवेचा लाभ घेतला.
पालखीच्या आगमनामुळे परिसरात भक्तिमय आणि उत्साहपूर्ण वातावरण निर्माण झाले होते. स्थानिक नागरिकांनी संत नामदेव महाराजांच्या पालखीचे दर्शन घेऊन आशीर्वाद घेतले. वारकऱ्यांच्या सेवेसाठी करण्यात आलेल्या या उपक्रमाचे परिसरातून कौतुक करण्यात आले.
