नाशिक, 15 ऑगस्ट 2026 : स्वातंत्र्यदिनाच्या निमित्ताने सीवायडीए (CYDA) आणि युथ एड फाऊंडेशन यांच्या वतीने नाशिक येथील सीवायडीए कौशल्य विकास प्रशिक्षण केंद्रात सॉफ्ट स्किल प्रशिक्षण पूर्ण केलेल्या प्रशिक्षणार्थींच्या प्रमाणपत्र वितरण व सन्मान कार्यक्रमाचे आयोजन करण्यात आले.
महिलांना आवश्यक कौशल्ये, आत्मविश्वास आणि रोजगारासाठीची तयारी उपलब्ध करून देत त्यांना पुढील रोजगार व उपजीविकेच्या संधींसाठी प्रोत्साहित करणे हा कार्यक्रमाचा मुख्य उद्देश होता.
कार्यक्रमाची प्रस्तावना श्री. योगेश पाटील, व्यवस्थापकीय संचालक, वॉश मित्र प्रा. लि. यांनी केली. कार्यक्रमास सौ. सारिका डफरे, प्रादेशिक संचालक, कामगार व रोजगार मंत्रालय, भारत सरकार; श्री. मिलिंद देशपांडे, मार्गदर्शन अधिकारी, कौशल्य विकास, रोजगार व उद्योजकता विभाग, नाशिक; श्री. मखराम राठोड, प्रभाग समन्वयक, पंचायत समिती, नाशिक; तसेच सौ. कीर्ती जाधव, संस्थापक व अध्यक्षा, कर्तृत्वगण सोशल फाऊंडेशन, नाशिक यांची प्रमुख उपस्थिती होती.
यावेळी प्रशिक्षण यशस्वीरीत्या पूर्ण केलेल्या निवडक प्रशिक्षणार्थींना प्रमाणपत्रांचे वितरण करून त्यांचा सन्मान करण्यात आला. प्रशिक्षणार्थींनी आपले अनुभव व्यक्त करताना, प्रशिक्षणामुळे आत्मविश्वास, संवाद कौशल्य, व्यक्तिमत्त्व विकास आणि रोजगारासाठीची तयारी यामध्ये मोठी सुधारणा झाल्याचे सांगितले.
उपस्थित मान्यवरांनी कौशल्य विकास, महिला सक्षमीकरण, रोजगारनिर्मिती आणि आर्थिक स्वावलंबन याबाबत मार्गदर्शन केले. प्रमुख पाहुण्या सौ. सारिका डफरे यांनी महिलांच्या कौशल्य विकासासोबतच त्यांना रोजगाराच्या संधी उपलब्ध करून देणे आणि आर्थिकदृष्ट्या सक्षम बनविणे आवश्यक असल्याचे अधोरेखित केले.
कार्यक्रमाचे प्रभावी सूत्रसंचालन श्री. अविनाश सोनवणे, जिल्हा व्यवस्थापक यांनी केले. कार्यक्रमाच्या यशस्वी आयोजनासाठी श्री. योगेश पाटील यांच्या मार्गदर्शनाखाली अविनाश सोनवणे, हर्ष फपाळ, दिपाली पवार, शामकांत सोनवणे, उर्वशी बोरसे आणि दिपाली भारस्कर यांनी विशेष योगदान दिले.
