अमळनेर प्रतिनिधी –
दि. 15 ऑगस्ट 2026 : चामुंडा माता बहुउद्देशीय विकास परिसर, धुळे संचलित परिश्रम दिव्यांग मुला-मुलींची निवासी शाळा, पारोळा येथे स्वातंत्र्य दिन उत्साहात साजरा करण्यात आला.
मा. श्री. विठ्ठल भास्कर पाटील (माजी सैनिक) यांच्या हस्ते ध्वजारोहण करण्यात आले. यावेळी संस्थेचे अध्यक्ष मा. डॉ. योगेश रघुनाथ महाजन सर यांनी उपस्थित मान्यवरांचे स्वागत करून त्यांचा सत्कार केला.कार्यक्रमास मा. श्री. गणेश पंढरीनाथ महाजन (सेवानिवृत्त मुख्याध्यापक), मा. श्री. रघुनाथ सैतान महाजन (सेवानिवृत्त मुख्याध्यापक), मा. श्री. मिलिंद प्रकाश पवार (संचालक, श्रद्धा मेडिकल), मा. श्री. गुणवंत शिवदास पाटील (सेवानिवृत्त मुख्याध्यापक), मा. डॉ. संजीवनी निलेश पाटील (कांताई हॉस्पिटल, पारोळा), मा. श्री. गणेश तापीराम महाजन (माजी कार्यकर्ते, पारोळा), मा. श्री. दादासो समीर भाऊ खाटीक (सामाजिक कार्यकर्ते, शिरसमणी), मा. श्री. शरद वाणी (अध्यक्ष, मेडिकल असोसिएशन, पारोळा), मा. श्री. महेश साळुंखे (उपाध्यक्ष, मेडिकल असोसिएशन, पारोळा), मा. श्री. मुकेश गुजराथी (सचिव, मेडिकल असोसिएशन, पारोळा), मा. श्री. बाळासाहेब पाटील (ज्येष्ठ पत्रकार, पारोळा), मा. श्री. अमोल भामरे (सदस्य, मेडिकल असोसिएशन, पारोळा) तसेच मा. श्री. रोहित पाटील (सामाजिक कार्यकर्ते) यांची प्रमुख उपस्थिती होती.यानंतर शाळेतील दिव्यांग विद्यार्थ्यांनी विविध सांस्कृतिक कार्यक्रमांचे उत्साहात सादरीकरण केले. विद्यार्थ्यांनी देशभक्तीपर गीते, समूहगीत, नृत्य, गायन तसेच कवायतीचे शिस्तबद्ध सादरीकरण करून उपस्थितांची मने जिंकली. विद्यार्थ्यांनी आपल्या कलागुणांचे उत्कृष्ट प्रदर्शन करत कार्यक्रमात देशभक्ती व उत्साहाचे वातावरण निर्माण केले. त्यांच्या सुंदर सादरीकरणाला उपस्थित मान्यवरांनी उत्स्फूर्त दाद दिली तसेच विद्यार्थ्यांच्या कलागुणांचे आणि उत्स्फूर्त सहभागाचे विशेष कौतुक केले.
