Tiny Hearts Pre Schoolच्या मुख्याध्यापिका सौ. तृप्ती पिसाळ यांचा ‘आदर्श मुख्याध्यापिका’ पुरस्काराने गौरव
हडपसर, पुणे : ऋग्वेद हेल्थ बारामती फाउंडेशनच्या वतीने आयोजित आदर्श मुख्याध्यापक व आदर्श शिक्षक पुरस्कार सोहळा दि. ४ ऑक्टोबर रोजी बनकर हॉल, बनकर स्कूल परिसर, सोलापूर रोड, हडपसर येथे उत्साहात पार पडला.
या सोहळ्यात शिक्षण क्षेत्रातील उल्लेखनीय योगदानाबद्दल Tiny Hearts Pre Schoolच्या मुख्याध्यापिका सौ. तृप्ती पिसाळ यांना ‘आदर्श मुख्याध्यापिका’ पुरस्काराने सन्मानित करण्यात आले. माजी नगरसेवक श्री. बनकर यांच्या हस्ते त्यांना पुरस्कार प्रदान करण्यात आला.
प्री-स्कूल शिक्षण क्षेत्रातील त्यांचे सातत्यपूर्ण, नाविन्यपूर्ण आणि विद्यार्थी-केंद्रित कार्य लक्षात घेऊन त्यांची या पुरस्कारासाठी निवड करण्यात आली.
कार्यक्रमास क्रीडा विभाग अधिकारी, पुणे शिक्षण मंडळ, म.न.पा. मा. श्री. माणिक देवकर, शिक्षण विभागाच्या पर्यवेक्षक श्रीमती लिला चंद्रकांत मोरे, ज्येष्ठ साहित्यिक मा. श्री. सतिश कुमदाळे आणि मुख्य संपादक प्रा. डॉ. सुरेश वाळेकर यांची प्रमुख उपस्थिती होती.
शिक्षकांच्या कार्याचा गौरव करून त्यांना प्रेरणा देणे हा या पुरस्कार सोहळ्याचा मुख्य उद्देश होता. पुरस्काराबद्दल Tiny Hearts Pre School परिवाराच्या वतीने सौ. तृप्ती पिसाळ यांचे अभिनंदन करून त्यांच्या पुढील शैक्षणिक वाटचालीस शुभेच्छा देण्यात आल्या.
