प्रतिनिधी :- | एरंडोल
एरंडोल तालुक्यातील आडगाव येथील रहिवासी व नाशिक येथे शिक्षण क्षेत्रात उल्लेखनीय कार्य करणारे भाऊसाहेब उत्तमराव पाटील यांना यंदाचा ‘आदर्श शिक्षक पुरस्कार’ प्रदान करण्यात आला. विद्यार्थ्यांच्या उज्ज्वल भविष्यासाठी सातत्याने केलेल्या कार्याची दखल घेत त्यांना हा सन्मान देण्यात आला.
विद्यार्थ्यांच्या सर्वांगीण विकासासाठी घेतलेले परिश्रम, शैक्षणिक क्षेत्रातील योगदान आणि विद्यार्थ्यांप्रती असलेली तळमळ यामुळे मिळालेला हा पुरस्कार त्यांच्या कार्याची योग्य पावती मानली जात आहे.
भाऊसाहेब पाटील यांना पुरस्कार मिळाल्याबद्दल मित्रपरिवार, हितचिंतक आणि विविध स्तरांतून त्यांच्यावर अभिनंदनाचा वर्षाव होत आहे. शिक्षण क्षेत्रातील त्यांचा हा यशस्वी प्रवास असाच सुरू राहून भविष्यातही त्यांना आणखी मोठे यश व सन्मान मिळावेत, अशा शुभेच्छा मित्रपरिवाराकडून व्यक्त करण्यात आल्या.
या सन्मानामुळे त्यांच्या कार्याला नवी ऊर्जा मिळाली असून, आगामी काळातही ते शिक्षण क्षेत्रात उल्लेखनीय योगदान देतील, अशी अपेक्षा व्यक्त होत आहे.
