दोंडाईचा | प्रतिनिधी : येथील स्वोद्धारक विद्यार्थी संस्थेच्या श्रीमंत राजे दौलतसिंहजी रावल महाविद्यालयात राष्ट्रीय सेवा योजना विभागाच्या वतीने महात्मा गांधी जयंती उत्साहात साजरी करण्यात आली.
कार्यक्रमाची सुरुवात प्रा. रेवती बागुल यांच्या प्रास्ताविकाने झाली. त्यांनी महात्मा गांधी यांच्या कार्याची माहिती देत कार्यक्रमाचा उद्देश स्पष्ट केला. प्राचार्य डॉ. एम. एस. उभाळे व प्राध्यापकांच्या उपस्थितीत महात्मा गांधी यांच्या प्रतिमेचे पूजन करून अभिवादन करण्यात आले.
यावेळी प्राचार्य डॉ. एम. एस. उभाळे यांनी अध्यक्षीय मनोगतातून विद्यार्थ्यांना मार्गदर्शन केले. महात्मा गांधी यांनी स्वच्छतेला स्वातंत्र्याइतकेच महत्त्व दिले असून, वैयक्तिक स्वच्छतेसोबत घर, परिसर, गाव आणि शहर स्वच्छ ठेवणे ही प्रत्येक नागरिकाची जबाबदारी आहे, असे त्यांनी सांगितले. स्वच्छता हीदेखील समाजसेवाच असल्याचे त्यांनी नमूद केले.
यानंतर विद्यार्थ्यांनी महाविद्यालयातील वर्गखोल्यांची उत्स्फूर्तपणे स्वच्छता केली. राष्ट्रीय सेवा योजना कार्यक्रम अधिकारी प्रा. एस. एम. ठाकरे यांनी आभार मानले.
कार्यक्रमाच्या नियोजनासाठी प्रा. पी. डी. बागुल यांनी मार्गदर्शन केले. व्यवस्थापनाची जबाबदारी प्रा. एस. एम. ठाकरे व प्रा. आर. पी. पाटील यांनी सांभाळली. कार्यक्रमाच्या यशस्वीतेसाठी प्रा. डॉ. योगिता चौधरी, प्रा. निशा ठाकूर, प्रा. अमृता चव्हाण व प्रा. खाचणे यांनी प्रयत्न केले. कृष्णा बागुल, शंकर गिरासे, अमर राजपूत व जयेश धनगर यांनी सहकार्य केले. कार्यक्रमास बी.एड. द्वितीय वर्षातील विद्यार्थी उपस्थित होते.
